முல்லைத்தீவு மாவட்டம் கள்ளப்பாடு வடக்கு பகுதியில் அமைக்கப்பட்ட இலங்கை மின்சார சபைக்கு சொந்தமான மின்சார மின்மாற்றி (Electrical Transformers) இல் காணப்பட்ட புவித்தொடுப்பு வயர் (Earth Cable) இன்றைய தினம் (10.07.2024) அதிகாலை இரண்டு மணியளவில் இனந்தெரியாதோரால் களவாடப்பட்டுள்ளது.
இதன் காரணமாக கரைதுறைப்பற்று பிரதேச செயலகத்திற்குட்பட்ட கள்ளப்பாடு வடக்கு கிராமத்திற்கான மின்சாரம் இன்று அதிகாலை 2.00 மணி தொடக்கம் காலை 6.30 மணி வரை துண்டிக்கப்பட்டு காணப்பட்டது. இந் நிலையில் விரைந்து செயற்பட்ட மின்சார சபையினர் காலை 6.30 மணிக்கு மீண்டும் மின் இணைப்பினை வழங்கினார்கள்.
இந்த விடயம் தொடர்பில் முல்லைத்தீவு மாவட்ட பொலிஸ் நிலையத்தில் முல்லைத்தீவு மாவட்ட மின்சார சபையினரால் முறைப்பாடு செய்யப்பட்டது. இதனைத் தொடர்ந்து குறித்த இடத்திற்கு முல்லைத்தீவு பொலிஸார் மற்றும் முல்லைத்தீவு மாவட்ட மின்சார சபையின் மின் அத்தியட்சகர், மின்சாரசபை ஊழியர்கள் சென்று பார்வையிட்டனர்.
குறித்த பகுதியில் புவித்தொடுப்பு வயரை (Earth Cable) களவாட பயன்படுத்தப்பட்ட கத்தி இரண்டு கைப்பற்றப்பட்டது. இது தொடர்பில் பொலிஸார் தீவிர விசாரணைகளை மேற்காண்டுள்ளனர். குறித்த சம்பவத்துடன் தொடர்புடையவர்களை கைது செய்வதற்காக பொலிஸார் தேடி வருகின்றனர். இது தொடர்பில் ஏதாவது தகவல் தெரிந்தவர்கள் தகவலினை கீழுள்ள தொலைபேசி இலக்கத்திற்கு வழங்க முடியும்.
தொலை பேசி இலக்கம் – 0763505860 I.P Amarathunka
