கிளிநொச்சி – உதயநகர் பகுதியில் நடத்தப்பட்ட துப்பாக்கிச் சூட்டில் ஒருவர் காயமடைந்துள்ளார்.
காரில் பயணித்தவர்கள் மீது மோட்டார் சைக்கிளில் பயணித்த இருவரால் இன்று(28) அதிகாலை துப்பாக்கிப் பிரயோகம் மேற்கொள்ளப்பட்டுள்ளதாக பொலிஸார் தெரிவித்துள்ளனர்.
இதன்போது காயமடைந்த காரின் சாரதி கிளிநொச்சி வைத்தியசாலையில் அனுமதிக்கப்பட்டுள்ளார்.
கிளிநொச்சி – உதயநகர் பகுதியை சேர்ந்த 38 வயதான ஒருவரே இதன்போது காயமடைந்துள்ளதாக பொலிஸார் கூறினர்.
காயமடைந்தவர் உள்ளிட்ட மேலும் இருவர் கனகபுரம் பகுதிக்கு காரில் சென்ற போது ஏற்பட்ட வாய்த்தர்க்கம் காரணமாக சந்தேகநபர்களால் துப்பாக்கிப் பிரயோகம் மேற்கொள்ளப்பட்டுள்ளமை ஆரம்பகட்ட விசாரணைகளில் தெரியவந்துள்ளது.
சந்தேகநபர்களை கைது செய்வதற்கான விசாரணைகளை கிளிநொச்சி தலைமையக பொலிஸார் ஆரம்பித்துள்ளனர்
