முல்லைத்தீவு தண்ணிமுறிப்பு குள பகுதியில் ஹெண்டர் வாகனத்தில் வந்திருந்த இராணுவத்தினர் சட்டவிரோத மணல் அகழ்வில் ஈடுபட பொலிஸார் துணை போகின்றனரா என சமூக செயற்பாட்டாளர் பீற்றர் இளஞ்செழியன் கேள்வி எழுப்பியுள்ளார்.
இன்று ( 05) பிற்பகல் இடம்பெற்ற மணல் அகழ்வு சம்பவம் தொடர்பில் மேலும் தெரியவருவதாவது,
தண்ணிமுறிப்பு குளத்தில் அத்துமீறி மீன்பிடியில் ஈடுபட்டு வருவதாக அப்பகுதி மக்களால் தெரிவிக்கப்பட்டதையடுத்து முன்னாள் வடமாகாணசபை உறுப்பினர் துரைராசா ரவிகரனும் , நானும் அவ்விடத்திற்கு கள விஜயம் செய்த போது மணல் அகழ்வில் ஈடுபட்டிருப்பதனை அவதானிக்க முடிந்ததாக தெரிவித்தார்.
தண்ணிமுறிப்பு – குருந்தூர்மலை பகுதியில் காவல் கடமையில் நிற்கும் இரு பொலிஸார் குறித்த மண் அகழ்வினை வேடிக்கை பார்த்து நின்றதாகவும்,
இராணுவத்திற்கு ஒரு சட்டமும், மக்களுக்கு இன்னொரு சட்டமுமா? என கேள்வி எழுப்பியுள்ளதோடு பொலிஸாரும் சட்டவிரோத மண் அகழ்விற்கு உடந்தையாக செயற்படுவதாகவும் குற்றம் சுமத்தியுள்ளார்.
