புதுக்குடியிருப்பு ஸ்ரீ உலகளந்த பிள்ளையார் ஆலயத்தில் 8 கோடி ரூபாய் செலவில் கட்டமைக்கப்படவுள்ள சப்த தளம் ( ஏழு தளங்கள் ) கொண்ட இராஜ கோபுர அடிக்கல் நாட்டும் விழா புதுக்குடியிருப்பு ஸ்ரீ உலகளந்த பிள்ளையார் ஆலயத்தில் நடைபெற்ற சிறப்பு பூஜைகள் மற்றும் வழிபாடுகளை தொடர்ந்து காலை 9.30 மணி தொடக்கம் 11.30 மணி வரையிலான சுப வேளையில் அடிக்கல் நாட்டும் நிகழ்வு ஆலய வளாகத்தில் நடைபெற்றிருந்தது. 
குறித்த நிகழ்வில் ஆலய பிரதான குருக்கள், ஆலய நிர்வாகிகள், கிராம மக்கள், பக்தர்கள் என பலரும் கலந்துகொண்டு சிறப்பித்திருந்தனர்.
புதுக்குடியிருப்பு ஸ்ரீ உலகளந்த பிள்ளையார் ஆலயத்தில் இன்றையதினம் இடம்பெற்ற
இராஜ கோபுர அடிக்கல் நாட்டுவிழாவினை தொடர்ந்து எதிர்வரும் 25.10.2025 அன்று காலை 4.30 தொடக்கம் காலை 6.00 மணிவரையுள்ள சுபவேளையில் பாலஸ்தாபன கும்ப உத்தாபனம் சிறப்பு இடம்பெற இருப்பதாக ஆலய பரிபாலன சபையினர் தெரிவித்துள்ளனர்.
