பொதுநலவாய நாடுகளுக்கிடையிலான பளு தூக்கல் போட்டிக்கு முதல் முறையாக வவுனியா மண்ணில் இருந்து மாணவி ஒருவர் தெரிவாகி இன்றைய தினம் பங்குபற்றி வெற்றிவாகை சூடியுள்ளார்
2023ம் ஆண்டிற்கான அகில உலக பளு தூக்கல் போட்டிக்காக இலங்கையின் வடமாகாணம் வவுனியாவிலிருந்து 40கிலோ எடை பிரிவில் 92 கிலோ தூக்கி 16 வயதையொட்டிய வவுனியா இறம்பைக்குளம் மகளிர் மகா வித்தியாலய மாணவி கோசியா திருமேனன் தெரிவாகி 11 – 16 ஆம் திகதிவரை டெல்லியில் நடைபெறவுள்ள போட்டியில் பங்கேற்க சென்று இன்றைய தினம் இடம்பெற்ற போட்டியில் மூன்றாம் இடத்தினை பிடித்து வெண்கல பதக்கத்தினை பெற்றுள்ளார்.
இவர் வெற்றி பெற்று வடக்கு மாகாணத்திற்கு பெருமை சேர்த்துள்ளதோடு ஞானஜீவன் ஆசிரியரின் நெறிப்படுத்தலில் போட்டிக்கு சென்றிருந்தமையும் குறிப்பிடத்தக்கது.
